கோழையில்லை

ஒதுங்கி செல்வதால் 

கோழையில்லை 

விலகி நிற்பதால் 

விட்டு விடுவதில்லை

இது, 

கனி பழுப்பதற்கான

காத்திருப்பு...

சவடால்கள் சவால்கள் இல்லை 

சவால்கள் சத்தமிடுவதில்லை,

எனக்கான சந்தர்பத்தை 

கட்டமைக்கும் நேரம் இது...

சிதிலடைந்த தேசம்

தித்திக்கும் கனவோடு 

எத்திக்கும் நிறைவாகி 
உதிரத்தில் உருவெடுத்த 
எம் சுதந்திரத்தின் 
சூத்திரம் உணராமலே 
சிந்தைக்குள் சிதறல்...
கட்டமைத்த தேசம்
முற்று பெறாமலே 
சிதிலடைந்து
முற்றுப் பெறாத முடிவுகள் 
முடிவுக்கு வராத வழக்குகள்
மட்டுமே நிரந்தரம்...
வக்கற்று நின்றோரை 
கரை சேர்க்க 
வழி இல்லா தேசம்
வல்லரசாகும் கனவோடு...

மீண்டும் ஒரு அரங்கேற்றம்

இனத்தில் கருவாகி 

செருக்கில் உருவாகி 

உணர்வை உதிரத்திலும் 

நெருப்பை நெஞ்சிலும் 

சுமந்திட்டவன்

சுற்றத்தின் பார்வையில் 

முரணானவன்

சிந்தை சினத்தில் 

முதலானவன்...

இத்தருணம் 

லட்சியத்தில் லட்சத்தை 

தொலைத்து 

வெறுமையை மிச்சமாக 

கொண்டு  

வாழ்நிலையில் 

கடைநிலையை கைக் கொண்டு 

பயணிக்கிறேன்... 

எம்வாழ்வில் மீண்டும் 

ஒரு அரங்கேற்றம் நிகழும்...

அதுவரை 

ஐந்தாம் படையில் அணி சேர்வேன்

நிர்ணயித்த இலக்கு தூரமும் இல்லை....